فشي زنقة من زناقي المدينة القديمة، وسط قعدة ديال الصحاب والنقاش، تزادت لعبة ماشي بحال اللعب… لعبة كَارطة فيها المكر، الذاكرة، والحظ، وكل جولة فيها سرّ جديد.
كل لاعب كيخد 4 كَارطات مقلوبين. كاينين 5 جولات، وكل وحدة كتبدل فدرجة الصعوبة:
الجولة 1: تشوف 4 كَارطات
الجولة 2: تشوف 3 كَارطات
الجولة 3: تشوف 2 كَارطات
الجولة 4: تشوف كَارتة وحدة
الجولة 5: ما تشوف والو، والنقط كتتحسب مضاعفة
الباقي من الكَارطات كيتحط فـ كومة "السحب"، وواحدة مقلوبة كتولي "الرمي".
الدور كيدور مع عقارب الساعة. فدورك تقدر:
ممنوع تشوف الكَارطات ديالك إلا إلى فعّلت كَارتة خاصة.
الكلاسيكي: كل واحد على راسو، واللي عندو أقل نقط كيربح.
الفرق (2 ضد 2): فريقين، والتنسيق مهم. كاين كَارطات خاصة لهاد النمط بحال "سر" و"فر".
نمط الشفّار: كلشي كيخبي، وواحد فيهم عندو كَارتة "الشفّار". اللي يقول "لمهراز" خاصو يخمّن شكون عندو الكَارتة، إذا غلط كيتبدل يدّو كاملة معاه.
كل كَارتة فيها حركة خاصة: شوف، بدّل، فرشة، شفّار، سر، فر، شد وسكت، الروينة، وغيرها...
كاين بطاقات كتتفعّل بوحدها، وكاين اللي خاصك تلعبها فدورك.
منين تحس بلي عندك أقل نقط، كتقول "لمهراز". كلشي كيلعبو دورة وحدة، ومن بعد كيتحسبو النقاط.
إذا ما كنتيش أنت اللي ربحتي، النقاط ديالك كتتضاعف!
كل كَارتة فيها رقم، وكتتحسب حسب القيمة ديالها. سواء رقم عادي أو بطاقة خاصة فيها رقم.
أقل مجموع كيربح، والتعادل = 0 نقطة. فـ نمط الفرق كيتحسب مجموع الفريق.
← الرجوع للصفحة الرئيسية